azaad hue the hum aaj
aaj hi shaheedon ki atma ko mila tha sakoon
aaj hi jaag utha tha bharat
jab so rahi thi saari duniya
waqt beeta
maahol badla ...
saal guzre
par dil se woh yaadein nahi jaati
jab jaane kitno ka khoon bahaa tha
jab maa ki kokh mein pade the chhaale
aao aaj hum
yaad karein unhe
jo mit gaye ke hum
azaad bharat mein saans le sake
to kya hua gar
saansein unki tham gayi
aao aaj manaaye hum
azaadi sacche maayne mein
seekh ke kuch
unn gulaami ke dino se
khushiyaan manaaye azaadi ki
magar -
zara aansu bhi chhalkaayein
yaad karke veer jawaano ko
Return to Main Page
